Douce é amérie
Jhan-Jhaque CHEBRÉT
(1945 -, Gençay, Haut-Poitou)
[Traduit du poème frison 'Bitterswiet' de Tiny Mulder]
*
Douce é amérie
Amérie é douce, douce é amérie
Ol ét le saboui de çhéle chantuserie
A toun oralle pr in cop jhéndrat éle
Quoure de la plleùe lés égrounéles
Russant su tés cuntrvents
Tu l'entenras quoure la bufe daus vents
Vesiquerat entour tàe
Pr te charmitàe
Ou z-entens tu ?
Ou z-entens tu coume
Den lés jhardrins trtouts
Le vent qui s'apoue
Su l'arantéle soune
Douce é amérie
De l'amour çhéle chantuserie
Daus paroles ?
Lés paroles s'avant trouvai adiràies
Le çheùr tot soul é tot éfrtellai
Toque mae a cha petit
Toque é s'achale in petit
Amérie é douce, douce é amérie
Le marmuse mae sourjhe qu'in réspir
Cha létre qui te noumant
Amour, retén tun réspir
Goute a la plleùe é écoute le vent
Sen lés égrouméles é acote çhéle chantuserie
Amérie é douce, douce é amérie.