Tchao qui s'ét terviré
Jhéne CHARÀE
(Eugène Charier)
(1883-1960, Saint-Michel-Mont-Mercure, Bas-Poitou)
[grafanjhe d'Écrivajhes, Ed. Geste paysanne, 1985]
*
Tchao qui s'ét terviré dan lés cate coins d(e) la tére,
Quant sés cheveus deja qu(e)mençant a grisouné,
Queu bounur, més amis, d(e) singé que l(e) vat r(e)tourné,
Permi touts sés qu(e)neussants per yi fignir sa hére !
Penséz din ! Roére toutes sés anciènes aféres,
Sés hardes, sés sabarins, sés vius bots tout usés ;
Mé sin pu grand bounur s(e)rat encore de r(e)trouvé
Dan lus poves creus de mésin sin pére é pi sa mére.
L'érat beché lés vegnes, cllèrcé lés enbllésins,
Fère la bouraïes os baïtes, arangé la pansiin ;
Pi l(e) sér o coin do foué, l(e) raquintrat, a la v(e)llaïe,
En manjant dos poumes tchètes é dos patanes gralaïes,
Os parents, os amis, qui vindrant l'écouté,
Dos aféres que persoune pourét s'émaginé.