Fame de darère

Bernadéte BIDÀUDE

(1958 - , Lés Épésses)

[grafanjhe d'Écrivajhes, Ed. Geste paysanne, 1985]

*

A védjit o minde.

Darère sa mamon a pllacre la tchuilerie.

Pi védjit sa noce.

Darère sin' oume a demure san rin djire.

Pi védjit l'ure do déjuna ;

Darère sés chodrins a se tervire por tcho-la qu'ét assi.

Pi védjirant lés voésins.

Darère sin café a queneut poét le vin dos caves.

Pi védjit la nét.

Darère sin' oume a s'élinge por cri in petchit de pllési,

Mé ol ét poét l'ure por lli.

Pi védjirant lés draoles.

Darère lés léssis lés bercias pi lés bralloderies a robe lés papots.

Pi védjit la djère.

Darère sin mouchoé a bralle sin ga qu'ét o cimetchère.

Pi védjit sa coéfe bllanche

Darère sés singeries, tote rabousinèe, venèe, a broche dos petons

Por tcho-la a venir.

Pi védjit sin' ure.

Darère sa mort tchéquin quinte qu'ol étét ine boune fame

Torjou d'assent avé le minde,

Pi qu'a fesét poét de brit.

Ol ét grond tenp

Qu'i m'ange por devont.