La vie d'une femme à la campagne

Adolphe METIVIER

(1850-1931) Melle

[grafanjhe d'Écrivajhes, Ed. Geste paysanne, 1985]

*

(...)

Povre vélle Rinjharde, ché nous in saï de véllaïe,

A nous cantèt qu'ol étèt dur d'étre fame de pésan,

É n-on peut o dire, on ne finit jhamé toutes lés viraïes,

Fot talbotaï dépeu jhanvié jhusqu'o premé de l'an.

Terjhou per pllace de grond matin jhusqu'aprè véllaïe.

É que dire, que fére, fot bé arétaï pretont.

Voèll, més bans amis, vous pevéz bé o crère,

De tout çheu o n'ét jha dos cancans,

Ét bin triste sort, aléz, d'étre fame de pésan.

Fot avaï la semissian é dos quenalles pa putout mariaïe,

Per sur, fot poét cantaï d'avaï touts sés agrémonts,

Mé si o n'avèt que çheu, n-on perèt bé y acotaï.

Fot çhusinaï, jhençaï la pllace, fére tout le trin de la mésan.

Dés l'écllarcie, portaï lés chodéres, douné la bernàie os goréas,

Prindre lés jhalons, trére lés chebres, lés vaches et lés menaï o chonp.

Quant çhés cours, don le fumé é lés égalls, ét o étounont ?

Queu triste sort d'étre fame de pésan !

(...)